సోషల్ మీడియాలో డబ్ స్మాష్ పోస్టులు చేయడం ప్రస్తుతం ఫ్యాషనైపోయింది. ఈ కల్చర్ యూఎస్ రాయబార కార్యాలయం వరకు పాకింది. తాజాగా న్యూఢిల్లీలోని యూఎస్ రాయబార కార్యాలయం ట్విట్టర్లో పోస్టు చేసిన ఓ వీడియో వైరల్ అవుతోంది. యూఎస్ ఎంబసీలోని అధికారులంతా బాలీవుడ్ సినిమా ఆడిషన్‌కు హాజరై.. హిందీ డైలాగులు చెప్తే ఎలా వుంటుందనే కాన్సెప్ట్‌తో ఈ వీడియోను రూపొందించారు.
బాలీవుడ్ సూపర్ హిట్ సినిమా షోలే లోని గబ్బర్‌ సింగ్‌ పాప్యులర్ డైలాగ్, ఓం శాంతి ఓంలోని ఏక్ చుట్కీ సింధూర్ డైలాగ్‌లను వల్లెవేసిన యూఎస్ ఎంబసీ ఉద్యోగులు నెటిజన్లను కడుపుబ్బా నవ్వించారు. ఈ వీడియోను మీరూ చూసి నవ్వుకోండి.
