ఆ మరక ఉంటే కన్య... లేకుంటే చెప్పుదెబ్బలే.. ఎక్కడ?

మహారాష్ట్రలో ఓ వింత ఆచారం ఉంది. అదీ కూడా ఆ తెగకు చెందిన యువతులకు ఈ అగ్నిపరీక్ష నిర్వహించడం ఆనవాయితీగా వస్తోంది. నవ వధువులకు తొలి రాత్రి కన్యత్వ పరీక్ష నిర్వహిస్తారు. ఈ పరీక్షలో యోని ద్వారా రక్తంకారితే కన్య అని, రక్తపు మరక కనిపించకపోతే అమ్మాయి క్యారెక్టర్‌ మంచిది కాదని తేల్చేస్తారు. మహారాష్ట్రలోని కంజర్‌భట్‌ కులంలో ఈ ఆచారం ఉంది. 

ఈ కులాచారం ప్రకారం.. మొదటిరాత్రి కన్యత్వ పరీక్ష చేస్తారు. కొత్త జంటకు ఓ వైట్‌ షీట్‌ ఇచ్చి.. ఓ ఇంట్లోకి పంపి కుటుంబ సభ్యులు, గ్రామ పెద్దలు బయట ఎదురుచూస్తారు. సంభోగంలో అమ్మాయికి బ్లీడింగ్‌ అయితే ఆమె కన్య. లేకపోతే కాదు. మర్నాడు ఉదయం పెళ్లికొడుకును రక్తపు మరక గురించి అడుగుతారు. అతను ఉందని చెబితే ఆ అమ్మాయి పవిత్రురాలు! లేదని చెబితే పర్యవసానాలు తీవ్రంగా ఉంటాయి. 

పంచాయితీలో పెళ్లికూతురును చెప్పులతో కొడతారు. ఆ సమయంలో కన్నవారు కూడా ఆమెనే నిందిస్తారు. రెండు లక్షల జనాభా ఉన్న ఈ కులంలో ఎన్నో ఏళ్లుగా ఈ నీచ సంప్రదాయం కొనసాగుతోంది. ఈ సంప్రదాయానికి వ్యతిరేకంగా ఇపుడు పోరాటం జరుగుతోంది.