ఖైదీ నెం.9234: చిన్నమ్మ జైలు మెనూలో 2 చపాతీలు, రైస్, రాగిముద్ద, సాంబార్- రోజుకి రూ.50 వేతనం

బెంగళూరు కోర్టులో చిన్నమ్మ లొంగిపోయారు. ఆపై పరప్పణ అగ్రహారం జైలుకు తరలించారు. జైలులో శశికళ నెంబర్ 10711 కాగా, ఇళవరసి- 10712 ను కేటాయించారు. ఐతే, ఈ నెంబర్లు కేటాయించిన కొద్దిసేపటికే మళ్లీ మార్చేశారు. శశికళకు ఖైదీ నెంబర్ 9234 ,ఇళవరసికి ఖైదీ నెంబర్‌ 9235, సుధాకరన్‌కు ఖైదీ నెంబర్‌ 9236గా కేటాయించారు. వున్నట్టుండి నెంబర్లు ఎందుకు మార్చారనేది సస్పెన్స్‌గా మిగిలిపోయింది. 

అయితే చిన్మమ్మకు లక్కీ నెంబర్ 9. అది ఆమెకి ఇష్టమైనదని ఆమె ఫ్యాన్స్ చెబుతున్నారు. శశికళ, ఇళవరిసికి ఒకే గది కాగా, సుధాకరన్‌కు మరొకటి కేటాయించారు. చిన్నమ్మకు ఫుడ్ మెనూ విషయానికొస్తే.. రాత్రి వేళ రెండు చపాతీలు, 200 గ్రాముల రైస్, లేదా రాగిముద్ద, 150 మిల్లీలీటర్ల సాంబారు. అలాగే రోజూ 50 రూపాయల వేతనంతో పనిచేయాల్సి వుంటుంది. ఆదివారం నుంచి ఆమె ఎంచుకున్న పనిని చేయొచ్చు. 

ఇంకాగా గతంలో జయమ్మ, శశి ఇదే జైలులో ఉన్నప్పుడు అగర్‌బత్తీలు, కొవ్వొత్తులు తయారు చేశారు. శశికళ ఇప్పుడు కూడా ఇదే డ్యూటీని ఎంచుకునే అవకాశం ఉన్నట్లు తెలుస్తోంది. ఇక చిన్నమ్మ జైలు దుస్తులనే ధరిస్తారు.