బాలీవుడ్ హీరోయిన్ సన్నీ లియోన్‌కు మధ్యప్రదేశ్ రాష్ట్ర మంత్రి నరోత్తమ్ మిశ్రా గట్టి వార్నింగ్ ఇచ్చారు. ఆమె నటించిన "మధుబన్ మేన్ రాధికా నాచే" పాటను నిషేధించాలంటూ హెచ్చరిక చేశారు. ఈ పాటలో ఆమె అసభ్యకరంగా ఉందని అందువల్ల ఆ పాటను నిషేధించాలంటూ హెచ్చరిక చేశారు. మూడు రోజుల్లో ఈ వీడియోను తొలగించాలంటూ ఆయన అల్టిమేటం జారీచేశారు.
ఇదిలావుంటే, సన్నీ లియోన్ నటించి ఈ వీడియో మ్యూజిక్ ఆల్బన్‌ను బుధవారం సరేగమ మ్యూజిక్ విడుదల చేసింది. ఇందులో మధుబన్ పాటపైనే ప్రధానంగా వివాదం నెలకొంది. వాస్తవానికి ఈ పాటను తొలిసారిగా 1960లో కోహినూర్ చిత్రంలో మహ్మద్ రఫీ ఆలపించారు.
