తమిళనాడు ముఖ్యమంత్రి జయలలిత చెన్నై అపోలో ఆస్పత్రిలో చికిత్స పొందుతూ కన్నుమూసింది. అయితే ఆమె చనిపోయినట్టు మొదటి తెలిసింది ఎవరికో తెలుసా.? శవపేటికలు తయారు చేసే కంపెనీ ఫ్లైయింగ్ స్క్వాడ్ అండ్ హోమేజ్ కంపెనీ ఎండీ శాంతకుమార్‌కు. జయలలిత చనిపోయి విషయం సోమవారం రాత్రి 11.30 గంటలకు ప్రకటిస్తే... అంతకుముందుగానే అంటే సోమవారం సాయంత్రం 5.30 గంటలకో శవపేటిల తయారీ కంపెనీ ఎండీకి తెలిసింది. పైగా ఈ విషయాన్ని బయటకు పొక్కకూడదంటూ ఆయనకు స్పష్టంగా చెప్పారు. ఆ తర్వాత శాంతకుమార్ స్వీయ పర్యవేక్షలో కఫిన్‌తో కూడిన హెవీ డ్యూటీ ఫ్రీజర్ బాక్స్ గంటల వ్యవధిలోనే తయారు చేసి.. అపోలో ఆసుపత్రికి తీసుకుని వచ్చారు. ఆ తర్వాత జయలలిత మరణ వార్తను రాత్రి 11.30 గంటల సమయంలో ప్రకటించారు.
ఇకపోతే ముఖ్యమంత్రి జయలలిత చనిపోయినట్టు అధికారికంగా అపోలో ఆస్పత్రి ప్రటించకముందే శశికళతో పాటు, జయలలిత దూరం పెట్టిన వారంతా ఆమె చుట్టూ చేరారు. తెల్లవారు జామున 2.30 గంటలకు ఆసుపత్రి నుంచి జయ పార్థివ దేహం పోయెస్ గార్డెన్‌కు చేరుకుంది. అక్కడ కూడా జయలలిత బంధువులెవరికీ అవకాశం ఇవ్వకుండా శశికళ, ఆమె భర్త నటరాజన్, శశికళ బంధువులు ఇళవరసి, సుధాకర్, రావణన్, దివాకరన్ శవం చుట్టూ చేరిపోయారు. అక్కడి నుంచి రాజాజీ హాల్‌కు, మెరీనా బీచ్ ఒడ్డున అంతిమ సంస్కారం పూర్తయ్యే వరకు కూడా జయ భౌతికకాయం చుట్టూ గుమికూడి వేరెవరికీ చోటేలేకుండా చేశారు. ఖననం చేసే సమయంలో మాత్రం జయలలిత సోదరుడు జయకుమార్ కుమారుడు దీపక్‌ను మాత్రం శశికళ దగ్గర పెట్టుకుని అంత్యక్రియల తంతు ముగించింది.
