కార్తీక మాసంలో శివుడిని ప్రార్థించే భక్తులు కేవలం శాఖాహారం మాత్రమే తీసుకోవాలి. మాంసాహారం జోలికి నెలరోజులు వెళ్లకూడదు. ఉల్లి, మద్యం, మాసం వంటి వాటికి దూరంగా ఉండాలి.
రోజూ తలస్నానం చేయాలి.
ప్రతిరోజూ సాయంత్రం దీపం వెలిగించి పూజ చేయాలి.
కార్తీక పురాణం పుస్తకంలో ప్రతిరోజూ ఒక అధ్యాయాన్ని చదవాలి. వినడం కూడా చేయొచ్చు. సోమవారాలు, కార్తీక పూర్ణిమ విశిష్టమైనవి.
రోజూ పూజ, ప్రసాదం తప్పనిసరి.
దీపం వెలిగించడానికి తప్ప మరే పనికి నువ్వుల నూనె వాడకూడదు.
30 రోజుల పాటు రోజుకు ఒకసారి మాత్రమే భోజనం చేయాలి. రాత్రిపూట అల్పాహారం తీసుకోవచ్చు. కనీసం సోమవారాలు, కార్తీక పూర్ణిమ, కోటి సోమవారం మొదలైన శుభ దినాలలో దీన్ని తప్పక పాటించాలి.
శివుడు కార్తీక పౌర్ణమి రోజున త్రిపురాసురులను సంహరించి ప్రపంచాన్ని రక్షించాడు.
గంగాదేవి నదులు, కాలువలు, చెరువులు, బావులలోకి ప్రవేశించి వాటిని గంగలా పవిత్రంగా చేస్తుంది.
