శుక్రవారం పూట వెన్నను కరిగించడం చేయకూడదు. శుక్ర, మంగళవారాలు లక్ష్మీకి ప్రీతికరమైన రోజులు కావడంతో.. వెన్న లక్ష్మీప్రదం అందుకే వెన్నను కరిగించడం ఆ రెండు రోజుల్లో చేయకూడదు. వెన్నలో మహాలక్ష్మీ దేవి కొలువై వుంటుందని విశ్వాసం. తమలపాకు, వక్కను మాత్రమే పూజ సమయంలో ఉపయోగించాలి. ప్యాకెట్లలో అమ్మే వక్కపొడిని పూజకు ఉపయోగించకూడదు.
తమలపాకులు రెండు, నాలుగు, ఆరు, ఎనిమిదిగా సరి సంఖ్యలో వుండాలి. వక్క 2, 4 సంఖ్యలో వుండేలా వుంచాలి. దేవుని ముఖాలు తెలియని విధంగా పుష్పాలను అలంకరించకూడదు. పాదాలను కప్పివుంచేలా మాత్రం పువ్వులతో శుక్రవారం అలంకరణ చేయాలని ఆధ్యాత్మిక పండితులు చెప్తున్నారు. శుక్రవారం పూట ఉదయం 4 గంటల నుంచి ఆరు గంటల్లోపు దీపం వెలిగించాలి.
