మానవ జీవితంలో వాస్తు శాస్త్రం, జ్యోతిష్య శాస్త్రం ఇలా ఎన్నో శాస్త్రాలు ముడిపడి ఉన్నాయి. శాస్త్రాల మీద ఎంతోమంది పరిశోధనలు కూడా చేశారు. మనం చూస్తూ ఉంటాం. చాలామంది పూజలు చేసినా, ఎంత కష్టపడినా వారికి లాభం ఉండదు. కొన్నిసార్లు మనుషులు ఎలాంటి తప్పులు చేస్తారంటే దేవుడికి సైతం కోపం వస్తుంది.
శివ పురాణం ప్రకారం పనిలో కాని ఆలోచనలో గాని ఎలాంటి తప్పుడు ఆలోచనలు ఉన్నా అలాంటి వారు ఎన్ని పూజలు చేసినా లాభం ఉండదు. వేరే వారి ధనం ఆశించినా, పరాయి స్త్రీని ఆశించినా, తల్లిదండ్రులను గౌరవించకపోయినా, దొంగతనం ఇలాంటివి చేస్తే శివునికి ఇష్టం ఉండదు. వారు ఎన్ని పూజలు, హోమాలు చేసినా ఫలించదు.
అమాయకమైన వారిని బాధపెట్టడం, వేరే వారి ధనాన్ని తప్పుడు మార్గంలో పొందడం, ఆలయంలో దొంగతనం చేయడం, గురువు భార్యతో సంబంధం పెట్టుకోవడం, ఎవరికైనా కష్టం, నష్టం కలిగించినా శివునికి కోపం కలిగిస్తుంది. ఇలాంటి తప్పులు చేసేవారిని పరమేశ్వరుడు క్షమించడు. వారికి కష్టాలు వస్తూనే ఉంటాయనేది విశ్వాసం.
