ఫెడరేషన్ కప్ జాతీయ అథ్లెటిక్స్ సందర్భంగా గతనెల 1నుంచి 4వ తేదీ వరకు పాటియాలాలో జాతీయ డోపింగ్ నిరోధక సంస్థ (నాడా) నిర్వహించారు. ఈ పరీక్షల్లో మన్‌ప్రీత్ డోపీగా తేలింది. నిషేధిత డ్రగ్ తీసుకున్నట్లు మన్‌ప్రీత్ యూరిన్ ఎ శాంపిల్స్‌లో రుజువైందని జాతీయ అథ్లెటిక్స్ సమాఖ్య అధికారి వెల్లడించారు. బి శాంపిల్స్ పరీక్షలోనూ ఫలితం పాజిటివ్‌గా వెల్లడైతే మన్‌ప్రీత్ ఆసియా చాంపియన్‌షిప్‌లో సాధించిన స్వర్ణ పతకాన్ని వెనక్కి తీసుకుంటారని చెప్పారు.
ప్రస్తుతానికి మన్‌ప్రీత్‌పై తాత్కాలిక నిషేధం విధించకపోయినా, బి శాంపిల్స్ పరీక్ష ఫలితాన్ని బట్టి ఆమెపై వేటు పడే అవకాశముంది. ఓ అథ్లెట్ డైమిథైల్‌బుటిలమైన్ డ్రగ్ వాడినట్లు తేలడం ఇటీవలికాలంలో ఇదే తొలిసారి. 2010 ఢిల్లీ కామన్వెల్త్ క్రీడలకు ముందు క్రీడాకారులు ఎక్కువగా ఈ డ్రగ్‌ను తీసుకునేవారని అథ్లెటిక్స్ వర్గాలు చెబుతున్నాయి.
