సుమారు 3 నిమిషాల కాల్ సమయంలో, ప్రధాన మంత్రి నరేంద్ర మోడీ కెప్టెన్ రాణి రాంపాల్, మహిళల హాకీ క్రీడాకారులు అందరినీ అభినందించారు. టోర్నీలో సమిష్టి కృషితో రాణించారని కితాబిచ్చారు. చెమటోడ్చిన ఫలితమే దేశంలోని కోట్లాది మంది అమ్మాయిలు హాకీ ఆడటానికి ప్రేరణ పొందుతారు. దీని తరువాత, టోర్నమెంట్ అంతటా అత్యున్నత నాణ్యత గల హాకీని అందించిన ఆటగాళ్లందరికీ, కోచ్‌లకు ప్రధాని మోదీ అభినందనలు తెలిపారు.
దీని తర్వాత ప్రధాని నవనీత్ గాయం గురించి ప్రస్తావించారు. దీనికి, కెప్టెన్ రాణి రాంపాల్ తనకు నాలుగు కుట్లు వేసినట్లు సమాధానమిచ్చారు. తన కంటిలో ఏమైనా సమస్య ఉందా అని ప్రధాని అడిగారు. నవనీత్ కన్ను బాగుందని రాణి సమాధానమిచ్చింది. దీని తర్వాత ప్రధాన మంత్రి వందన కటారియా, ఇతర క్రీడాకారులను ప్రశంసించారు.
ప్రధాని ఫోన్ కాల్ చేయడంతో మహిళా క్రీడాకారిణులు భావోద్వేగానికి లోనయ్యారు. పసిడి పతకం సాధించలేకపోయామని కన్నీళ్లు పెట్టుకున్నారు. ఈ సందర్భంగా ప్రధాని ఏడుపు ఆపమని వారిని కోరారు. నిరాశ చెందాల్సిన అవసరం లేదన్నారు. ఈ జట్టు కృషి కారణంగా, ఈ దేశానికి గుర్తింపుగా నిలిచిన హాకీ మళ్లీ పుంజుకుంటుందన్నారు. ఈ కాల్ సమయంలో, జట్టు గోల్ కీపర్ సవితా పునియా ఏడుస్తూ కనిపించింది.
చివరికి, భారత మహిళా జట్టు కోచ్ ప్రధానికి కృతజ్ఞతలు తెలిపాడు. ఈ సమయంలో అమ్మాయిలు చాలా భావోద్వేగంతో ఉన్నారని, హాకీ జట్టుకు అన్ని విధాలుగా సహాయం చేసినందుకు ప్రధానికి కృతజ్ఞతలు తెలిపాడు.
