అమ్మా... నేను సింధుతో కలిసి ఫోటో దిగా.. గర్వంగా ఉంది.. సల్మాన్ ఖాన్ ట్వీట్

రియో ఒలింపిక్స్ క్రీడల్లో అత్యుత్తమ ఆటతీరును కనబరిచిన భారత షట్లర్ పీవీ సింధుపై అన్ని రంగాల వారు ప్రశంసల వర్షం కురిపిస్తున్నారు. సింధు విజయం బాలీవుడ్ స్టార్ సల్మాన్ ఖాన్ ట్వీట్ చేస్తూ... 'అమ్మా.. నేను సింధుతో ఫొటో దిగాను. గర్వంగా ఉంది' అంటూ పేర్కొన్నాడు. పైగా ఈ మాటలు తన తల్లికి చెప్పి ఆనందపడ్డాడు. 

అంతేనా... సల్మాన్ ఖాన్ సింధుతో దిగిన ఫొటోను ట్విట్టర్‌లో పెట్టి.. 'మా అమ్మతో కలిసి ఫైనల్ మ్యాచ్‌ను టీవీలో చూశాను. సింధుతో నేను ఫొటో దిగిన విషయాన్ని అమ్మకు చెప్పాను. గర్వంగా ఉంది' అంటూ ఆ ట్వీట్‌లో పేర్కొన్నాడు. 

అలాగే, బాలీవుడ్ బిగ్ బి అమితాబ్ స్పందిస్తూ.. 'సింధు.. నువ్వు మనస్ఫూర్తిగా శ్రద్ధను పెట్టి ఫైనల్ ఆడావు. నిన్ను చూసి యావత్ దేశం గర్విస్తోంది. గర్వకారణమైన ఈ సందర్భాన్ని ఇచ్చినందుకు నీకు కృతజ్ఞతలు. 120 కోట్ల మంది నీకు మద్దతుగా ఉన్నారు. ఇంతకన్నా గొప్ప విజయం ఏముంటుంది' అని ట్వీట్ చేశారు.