ఏప్రిల్ 6న తుక్కుగూడలో జరిగిన బహిరంగ సభలో రాహుల్ గాంధీ ఫోన్ ట్యాపింగ్ కేసుపై ఎలాంటి ఆధారాలు చూపకుండా నిరాధారమైన వ్యాఖ్యలు చేశారని, ముఖ్యంగా బీఆర్ఎస్ అధ్యక్షుడిపై కించపరిచే వ్యాఖ్యలు చేసినందుకు రాహుల్ గాంధీ, ఆయన పార్టీపై కఠిన చర్యలు తీసుకోవాలని బీఆర్ఎస్ డిమాండ్ చేసింది.
మోడల్ కోడ్ ఆఫ్ కండక్ట్ ప్రకారం, ఇతర పార్టీల విధానాలను మాత్రమే చర్చించాలని, ఒక వ్యక్తి ప్రతిష్టకు భంగం కలిగించే ప్రకటనలు చేయడం మానుకోవాలని ఆదేశించింది. అయినప్పటికీ, రాహుల్ గాంధీ తన ప్రసంగంలో తప్పుడు ప్రకటనలు చేస్తూనే ఉన్నారని బీఆర్ఎస్ పేర్కొంది.
