హైదరాబాద్ నగర పరిధిలో నడపనున్న కొత్త బస్సుల్లో 265 డీజిల్ బస్సులు, 289 ఎలక్ట్రిక్ బస్సులు ఉన్నాయని హైదరాబాద్ ప్రాంతీయ ఆర్టీసీ అధికారులు తెలిపారు. ఆర్టీసీ సొంతంగా అందించే 265 బస్సుల్లో 65 మెట్రో డీలక్స్, 140 మెట్రో ఎక్స్‌ప్రెస్, 60 సిటీ ఆర్డినరీ బస్సులు ఉన్నాయి.
గ్రేటర్ హైదరాబాద్ రీజియన్‌కు మొత్తం 500 ఎలక్ట్రిక్ బస్సులు కేటాయించామని, వాటిలో ఇప్పటికే 111 సిటీ రోడ్లపై తిరుగుతున్నాయని ఆర్టీసీ సీనియర్ అధికారి ఒకరు తెలిపారు. కొద్ది వారాల్లోనే నగరంలో 25 ఈవీ బస్సులు కూడా అందుబాటులోకి రానున్నాయని కార్పొరేషన్ వర్గాలు వెల్లడించాయి.
