పుష్ప 2 చిత్రం తను చూసాననీ, ఆ చిత్రం చూస్తే యువకులు చెడిపోతారన్న అభిప్రాయం తనకు కలిగిందని మంత్రి కోమటిరెడ్డి వెంకట్ రెడ్డి అన్నారు. అనవసరంగా 3 గంటలు వృధా అయ్యిందనీ, ఇకపై సినిమాలు చూడదలుచుకుంటే దేవుళ్ల సినిమాలు, చారిత్రాత్మక చిత్రాలు చూస్తానని అన్నారు. సంధ్య థియేటర్ తొక్కిసలాటలో చనిపోయిన రేవతి కుటుంబాన్ని ఆదుకుంటామనీ, కోమాలో వున్న బాలుడి చికిత్స కోసం ఎంత ఖర్చయినా భరిస్తామని అన్నారు. ఈ సందర్భంగా రేవతి భర్త భాస్కర్ కి రూ. 25 లక్షల చెక్కును అందించారు.
పుష్ప 2 సినిమా చూసాను.. నా మూడున్నర గంటల టైం వేస్ట్ అయింది
ఈ లోపు 10 ఊర్లు తిరిగేవాడిని
పుష్ప 2 సినిమా చూసి యువకులు చెడిపోతున్నారు
ఇకపై నేను దేవుడి సినిమాలు, హిస్టరీ సినిమాలు, తెలంగాణ సినిమాలు తప్ప వేరే తెలుగు సినిమాలు చూడను - మంత్రి కోమటిరెడ్డి వెంకట్ రెడ్డి. pic.twitter.com/vepld3VSDD
అల్లు అర్జున్ కి పరామర్శ దేనికి? కన్ను పోయిందా? కాలు పోయిందా?
తెలంగాణ ముఖ్యమంత్రి రేవంత్ రెడ్డి నటుడు అల్లు అర్జున్‌పై విమర్శలు గుప్పించారు. థియేటర్‌కు వెళ్లవద్దని సలహా ఇచ్చినప్పటికీ, అల్లు అర్జున్ సూచనలను పట్టించుకోకుండా అక్కడికి వచ్చారని, దీని ఫలితంగా గందరగోళ పరిస్థితి ఏర్పడిందని, ఈ క్రమంలో జరిగిన తొక్కిసలాటలో రేవతి అనే మహిళ మరణించిందని, ఆమె కుమారుడికి తీవ్ర గాయాలయ్యాయని, ప్రస్తుతం ఆసుపత్రిలో చికిత్స పొందుతున్నాడని రేవంత్ రెడ్డి పేర్కొన్నారు.
అసెంబ్లీ సమావేశాల్లో భాగంగా.. AIMIM ఫ్లోర్ లీడర్ అక్బరుద్దీన్ ఒవైసీ సంధ్య థియేటర్ సంఘటన గురించి ప్రభుత్వం ఒక ప్రకటన విడుదల చేయాలని కోరారు. ఈ చర్చకు ప్రతిస్పందిస్తూ, రేవంత్ రెడ్డి తన అభిప్రాయాలను వ్యక్తం చేస్తూ, అసెంబ్లీలో ఈ అంశాన్ని లేవనెత్తాలని తాను ఊహించలేదని అన్నారు. ఈ విషయం దర్యాప్తులో ఉందని, చర్చ దర్యాప్తు ప్రక్రియకు ఆటంకం కలిగిస్తుందని చెప్పారు.
అల్లు అర్జున్ ఆదేశాలను పట్టించుకోకుండా థియేటర్‌కు వెళ్లే మార్గంలో రోడ్‌షో నిర్వహించి, తన కారు పైకప్పు నుండి అభిమానులకు చేతులు ఊపుతూ మాట్లాడారని రేవంత్ రెడ్డి ఆరోపించారు. ఇది వేలాది మంది అభిమానులను ఆకర్షించిందని, తొక్కిసలాటకు కారణమైందని రేవంత్ రెడ్డి తెలిపారు. ఈ సంఘటనపై రేవంత్ రెడ్డి విచారం వ్యక్తం చేస్తూ, రేవతి ప్రాణాలు కోల్పోయిందని, ఆమె కుమారుడు మెదడు దెబ్బతిని ఆసుపత్రిలో చికిత్స పొందుతున్నాడని అన్నారు.
అల్లుఅర్జున్ చర్యల వల్లే ఈ విషాదం జరిగిందని ఆరోపించారు. సినీ పరిశ్రమను విమర్శిస్తూ, చిన్నారి 20 రోజులుగా కోమాలో ఉన్నప్పటికీ, ఒక్క సినీ ప్రముఖుడు కూడా ఆసుపత్రికి వచ్చి సంతాపం ప్రకటించలేదని రేవంత్ రెడ్డి విచారం వ్యక్తం చేశారు.
అయితే అల్లు అర్జున్‌కు మాత్రం మద్దతు తెలపడం కోసం సినీ జనం ఆయన ఇంటికి క్యూ కట్టడాన్ని తప్పుబట్టారు. "అతను ఒక కన్ను లేదా కాలు కోల్పోయాడా? అందరూ అతడిని ఓదార్చడానికి ఎందుకు తొందరపడుతున్నారు?" అని ప్రశ్నించారు.
