పోలీసులు వెల్లడించిన వివరాల మేరకు.. పాపిరెడ్డి నగర్ నివాసముంటున్న సామిరెడ్డికి భార్య, కుమార్తె, కుమారుడు కె.దీక్షిత్ రెడ్డి (20) ఉన్నారు. 12 ఏళ్ల కింద భార్యాభర్తల మధ్య గొడవలతో సామిరెడ్డి కుటుంబాన్ని వదిలేసి వెళ్లిపోయాడు. దీంతో తల్లి, కుమార్తె, కుమారుడు కలిసి ఉంటున్నారు.
ఈ నేపథ్యంలోనే ఆదివారం సాయంత్రం తల్లి, అక్క పనిమీద బయటకు వెళ్లడంతో దీక్షిత్ రెడ్డి బ్లేడుతో తన మర్మాంగాన్ని కోసుకుని ఆత్మహత్యకు యత్నించాడు. తీవ్ర రక్తస్రావం కావడంతో మృతి చెందాడు. బయట నుంచి వచ్చిన తల్లి, అక్క చూసి పోలీసులకు సమాచారం ఇచ్చారు. పోలీసులు అక్కడికి చేరుకుని శవాన్ని పోస్టుమార్టం నిమిత్తం గాంధీ ఆస్పత్రికి తరలించారు. కేసు నమోదు చేసి విచారణ జరుపుతున్నారు.
