వివరాల్లోకి వెళితే రంగారెడ్డి జిల్లా నందిగామ మండలం మామిడిపల్లి గ్రామ శివారులో ఏర్పాటైన ప్రపంచ ప్రఖ్యాత సింబయాసిస్ యూనివర్సిటీలో పలువురు విద్యార్థులు లైంగికంగా వేధింపులకు గురవుతున్నారని అదే యూనివర్సిటీలో న్యాయశాస్త్రం చదువుతున్న బెంగళూరుకు చెందిన అపూర్వ అనే విద్యార్థిని సోషల్ మీడియా వేదికగా బహిర్గతం చేసింది.
కొన్ని సంవత్సరాలుగా చాలామంది అమ్మాయిలు లైంగిక వేధింపులకు గురవుతున్నారని అపూర్వ తెలియజేయడంతో పోలీసులు ఆరా తీస్తున్నారు. విశ్వవిద్యాలయంలోని చాలామందిని లైంగికంగా వేధించారని అపూర్వ తెలయజేసింది. ఇటీవలి కాలంలో సోషల్ మీడియా వేదికగా లైంగిక దాడులను వెల్లడించే అవకాశం ‘మీ టూ’ కల్పించిందని... అందుకే తాను... తమ కాలేజీలో జరిగిన దురాగతాలను వెల్లడించానని అపూర్వ తెలిపారు. అయితే ఈ విషయాలను కాలేజీ యాజమాన్యం... తోటి విద్యార్థులు ఖండిస్తున్నారు. అపూర్వ హాజరు శాతం తక్కువగా ఉండటంతో ఆమెను డిటెయిన్ చేశారని, ఆ అక్కసుతోనే ఇలాంటి ఆరోపణలు చేస్తుందని మిగతావారు వెల్లడించారు.
