ఏయ్... ఎంత ధైర్యంరా... నా మొగుడిపైనే చేయి వేస్తావా? పోలీసుకు చమటలు పట్టించిన యువతి

మోటర్ సైకిల్ పైన పోతూ పట్టుబడ్డ ఓ వ్యక్తి వెనకు కూర్చుని ఉన్న భార్య పోలీసులను ముప్పతిప్పలు పెట్టింది. నా భర్త, నేనుండగా నా ముందు తాగితే మీకేంటి అభ్యంతరం అంటూ అర్థం లేని విచిత్రమైన వాదనతో గందరగోళం చేసేసి పోలీసుల్ని కొట్టబోయింది. డ్రంకెన్ డ్రైవ్ కేసులో పట్టుబడ్డ ఆ యువతి తన నడిరోడ్డుపై పోలీసులకు ముచ్చెమటలు పట్టించింది.

నా భర్త ఒక్క బీరు తాగితేనే ఇంత రచ్చ చేస్తున్నారు... దమ్ముంటే రాష్ట్రంలో వున్న బీర్ షాపులన్నీ మూయించండి అంటూ పోలీసులకు సవాల్ విసిరింది. ఇంతలో ఓ పోలీసు కానిస్టేబుల్ తాగిన ఆ యువతి భర్తను పట్టుకుని బ్రీత్ ఎనలైజరుతో పరీక్షించాలని చూశాడు. 

అంతే... సదరు యువతి... ఏయ్... ఎంత ధైర్యంరా... నా మొగుడిపైనే చేయి వేస్తావా... అంటూ పోలీసులపై కలబడి నానా హంగామా చేసింది. దీనితో మహిళా పోలీసులను రంగంలోకి రప్పించాల్సి వచ్చింది. మరి ఆ మహిళ డిమాండ్ చేసినట్లు రాష్ట్రంలోని మద్యం షాపులన్నీ మూసేస్తే ఈ గొడవ వుండదు కదా.... మరి సీఎం కేసీఆర్ ఏం చేస్తారో?