పెళ్లైన నాలుగు నెలలకే భర్త పారిపోయాడు. భార్య అంటే ఇష్టం లేదని చెప్పి భర్త ఇల్లు వదిలి పారిపోయిన ఘటన హైదరాబాద్‌లో చోటు చేసుకుంది. షాపూర్‌నగర్‌కు చెందిన హరిక(19), నవీన్ కుమార్ అనే యువకుడికి నాలుగు నెలల క్రితం పెద్దల సమక్షంలో పెళ్లి జరిగింది. ఇద్దరూ జీడిమెట్ల పోలీసు స్టేషన్ పరిధిలో కాపురం పెట్టారు. నవీన్ కుమార్ ఎస్ ఆర్ నగర్ లోని న్యూఎరా లేడీస్ టైలర్స్‌లో ఫ్యాషన్ డిజైనర్‌గా పని చేస్తున్నాడు.
"నువ్వంటే నాకు ఇష్టంలేదు… అందుకే ఇంట్లో నుంచి వెళ్లిపోతున్నాను" అని రాసి ఉంది. ఆందోళన చెందిన భార్య, భర్త ఆచూకి కోసం అతని తమ్ముడు, చెల్లెలికి ఫోన్ చేయగా తమ వద్దకు రాలేదని సమాధానం చెప్పారు. దీంతో ఆమె ఆదివారం నాడు జీడిమెట్ల పోలీసులకు భర్త ఆచూకి గురించి ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేస్తున్నారు.
