ఆధ్యాత్మిక గురువు చినజీయర్ స్వామి వివాదాస్పద వ్యాఖ్యలు చేయడం కొత్తేమీ కాదు. గతంలో మాంసాహారం తినేవారి విషయంలో కులాల విషయంలోనూ వివాదాస్పద వ్యాఖ్యలు చేశారు. తాజాగా చినజీయర్ వనదేవతలు సమ్మక్క, సారక్కలపై చేసిన వ్యాఖ్యల వీడియో ఒక్కసారిగా సోషల్ మీడియాలో వైరల్‌గా మారింది.
''వాళ్లేం దేవతలా..? బ్రహ్మలోకం నుంచి దిగివచ్చినవాళ్లా..? ఏమిటి చరిత్ర..? ఏదో ఒక అడవి దేవత. గ్రామదేవత. అక్కడుండేవాళ్లు చేసుకోనీ, సరే. చదువుకున్నవాళ్లు, పెద్ద పెద్ద వ్యాపారస్తులు. ఆ పేరిట బ్యాంకులే పెట్టేశారండీ ఇప్పుడు. అది వ్యాపారమైపోయింది ఇప్పుడు. ఎంత అన్యాయం..? అది ఒక చెడు. కావాలనే దీన్ని వ్యాపింపజేస్తున్నారు సమాజంలో.'' అంటూ ఆ వీడియోలో చినజీయర్ స్వామి వన దేవుతల్ని కించపరిచేలా మాట్లాడారు.
చినజీయర్ క్షమాపణలు చెప్పాల్సిందేనని మేడారం సమ్మక్క సారలమ్మల పూజారి రఘుపతి డిమాండ్ చేశారు. చినజీయర్ సమతామూర్తిని దేవుడిలా ఎలా పూజిస్తున్నారో తాము కూడా సమ్మక్క, సారలమ్మను పూజిస్తున్నామన్నామని చెబుతున్నారు.
