ప్రముఖ యాంకర్, జర్నలిస్ట్ తీన్మార్ మల్లన్నను మరోమారు అరెస్టు చేశారు. ఇప్పటికే ఓ కేసులో అరెస్టు చేసి జైల్లో బంధించిన విషయం తెల్సిందే. ఈ నేపథ్యంలో తాజాగా మరోమారు ఆయన్ను ఇంకో కేసులో అరెస్టు చేశారు. అలా చేయడం ద్వారా ఆయన్ను శాశ్వతంగా జైల్లో ఉంచే కుట్ర సాగుతుందన్న అనుమానాలు వస్తున్నాయి.
త‌ను ఇప్పటికే అరెస్టు అయిన కేసుల్లో బెయిల్ రావ‌టంతో మల్లన్న రిలీజ్ అవుతార‌ని అంతా భావించారు. అలా బెయిల్ బ‌య‌ట‌కు వ‌చ్చారో లేదో నిజామాబాద్ పోలీసులు మళ్లీ అరెస్టు చేశారు. ఓ క‌ల్లు వ్యాపారి ఫిర్యాదుతో పెట్టిన కేసులో మల్లన్నను అరెస్టు చేసి రిమాండ్ చేసిన‌ట్లు తెలుస్తోంది. ఈ కేసులో మల్లన్న ఏ-5గా ఉన్నారు.
