రాష్ట్ర కేబినెట్ సమావేశం, జూన్ 8వ తేదీన మంగళవారం మధ్యాహ్నం 2గంటలకు, ముఖ్యమంత్రి కేసీఆర్ అధ్యక్షతన జరుగనున్నది. ఈ సందర్భంగా.. రాష్ట్రంలో వైద్యం, కరోనా పరిస్థితులు, ఇరిగేషన్, రైతుబంధు, వ్యవసాయం పనులు, లాక్ డౌన్, రాష్ట్ర ఆర్థికపరిస్థితి అంశాలపై చర్చించనున్నారు.
లాక్‌డౌన్ ఎత్తివేసిన అనంతరం పలు వ్యాపారాలతో పాటు మెట్రో రైళ్లకు, ఆర్టీసీ బస్సులకు సాయంత్రం 7 వరకు ప్రభుత్వం అనుమతి ఇవ్వనున్నట్లు తెలుస్తోంది. కాగా ప్రస్తుతం ఉదయం 6 గంటల నుంచి మధ్యాహ్నం 2 గంటల వరకు సడలింపులు కొనసాగుతున్నాయి. ఈ నెల 9తో ప్రభుత్వం విధించిన లాక్‌డౌన్ ముగియనుంది.
