ఖాళీ సమయాల్లో ఆ పనిచేస్తున్న అనుపమ

గురువారం, 16 ఏప్రియల్ 2020 (22:31 IST)
లాక్‌డౌన్‌లో ఇంట్లోనే పరిమితం కావాలి. ఎట్టిపరిస్థితుల్లోను ఇంటి నుంచి బయటకు రాకూడదని వస్తే కఠినమైన శిక్షలు ఉంటాయి. అంతేకాదు జనం మధ్యలో ఎవరికైనా కరోనా వైరస్ ఉంటే అది సోకే అవకాశం ఉందన్న ప్రచారం బాగానే ఉంది. అయితే కొంతమంది దీన్ని తు.చ తప్పకుండా పాటిస్తుంటే మరికొందరు ఏమాత్రం పట్టించుకోవడం లేదు.
 
ఇక సినీప్రముఖులు అయితే మాత్రం షూటింగ్‌లు లేకపోవడంతో ప్రశాంతంగా ఇంటికే పరిమితమైపోయారు. ఎప్పుడూ బిజీగా ఉండే హీరోహీరోయిన్లు కూడా తన వారితో హాయిగా గడిపేస్తున్నారు. అందులో అనుపమ పరమేశ్వరన్ ఒకరు. ఈ మధ్యకాలంలో అనుపమకు అవకాశాలు బాగానే వచ్చాయి.
 
సినిమా హిట్లు కూడా ఎక్కువే ఉన్నాయి. కరోనా రాక ముందు వరకు అనుపమ రెండు సినిమాల్లో షూటింగ్‌లో బిజీగా ఉంది. అయితే వైరస్ పుణ్యమా అని షూటింగ్ కాస్త ఆగిపోయింది. అయితే అనుపమ మాత్రం లాక్‌డౌన్ కొనసాగుతున్న 23వ రోజు వరకు కూడా ఇంటి నుంచి అస్సలు బయటకు రాలేదు. 
 
అంతే కాదు ఇంట్లోనే ఉంటూ ఖాళీ సమయాల్లో తన చిన్ననాటి ఫోటోలను చూస్తూ తెగ సంబరపడిపోతోందట. చిన్నప్పుడు తాను ఎంత ముద్దుగా ఉన్నానో తన తల్లిదండ్రులు ఏవిధంగా అల్లారుముద్దుగా చూసుకున్నారో తలుచుకుని ఆనంద పడుతోందట. అంతేకాకుండా దేవుళ్ళ ఫోటోలను కూడా గీస్తూ ఆర్టిస్టుగా మారిపోయిందట. తాను గీసిన చిత్రాలను ఫైల్ చేసి మరీ జాగ్రత్త చేసుకుంటోందట అనుపమ.

వెబ్దునియా పై చదవండి

సంబంధిత వార్తలు