టాలీవుడ్ హీరోయిన్ ఇలియానా. ఒకపుడు తెలుగు చిత్ర పరిశ్రమలో అగ్ర హీరోయిన్. ఇపుడు సినీ అవకాశాలు లేక ఇంటికే పరిమితమైంది. అయితే, ఈ గోవా బ్యూటీకి ఇపుడు తన శరీరంపై తనకే డౌట్స్ వుండేవట. తన అందంపై రకరకాల సందేహాలు చుట్టుముడుతూ వేధించేవని, దాంతో విపరీతమైన ఆందోళనకు గురయ్యేదానినని తాజాగా చెప్పింది.
ఇదే అంశంపై ఆమె తాజాగా స్పందిస్తూ, 'నా నడుం సన్నగా ఉందని.. చేతులు సన్నగా ఉన్నాయని, అందరిలా పెద్ద హైట్ లేనని, ముక్కు, లిప్స్ సరిగా లేవని, అసలు పెర్ఫెక్ట్‌గా లేనని.. ఇలా తెగ మథనపడేదానిని.
అయితే, కొన్నాళ్లకు నాకు తెలిసొచ్చింది. దాంతో నా ఫిజిక్‌ని, నా అందాన్ని యాజిటీజ్‌గా తీసుకోవడం ప్రారంభించాను. ఇతరులు భావించినట్టుగా నేనెందుకు ఉండాలి? అనుకున్నాను. దాంతో నాలోని ఆందోళనలు, భయాలు పటాపంచలైపోయాయి' అంటూ చెప్పుకొచ్చింది.
