యంగ్ టైగర్ ఎన్టీఆర్ ప్రస్తుతం కొరటాల శివ దర్శకత్వంలో దేవర సినిమా చేస్తున్నాడు. అయితే తాజాగా ఈ సినిమాకు సంబంధించి ఓ ఆసక్తికర గాసిప్ వినిపిస్తోంది. ఈ సినిమాపై ఓ క్రేజీ రూమర్ వినిపిస్తోంది. ఈ సినిమాలో ఓ స్పెషల్ సాంగ్ ఉంటుందని తెలుస్తోంది.
జూనియర్ ఎన్టీఆర్ నటించిన దేవర చిత్రంలోని ఈ పాటలో బాలీవుడ్ స్టార్ హీరోయిన్ కృతి సనన్ నటించబోతోంది. పాన్ ఇండియా మార్కెట్‌ను దృష్టిలో ఉంచుకుని ఈ పాట చేయడానికి కృతి సనన్‌ని ఒప్పించారని అంటున్నారు. దాదాపు రూ.300 కోట్ల భారీ బడ్జెట్‌తో దేవర సినిమా రూపొందుతున్నట్లు తెలుస్తోంది.
ఈ దేవర కథ కోసం కొరటాల శివ చాలా నెలలు వర్క్ చేశాడు. మరి కొరటాల శివ కథలో ఎలాంటి ఎలిమెంట్స్ రాశాడో చూడాలి. ఇక ఎన్టీఆర్- కొరటాల శివ కాంబినేషన్‌లో వస్తున్న సినిమా కావడంతో ఈ సినిమాపై భారీ అంచనాలే ఉన్నాయి.
అంతేకాదు ఈ చిత్రాన్ని తెలుగు, హిందీ, తమిళం, కన్నడ, మలయాళం భాషల్లో ఏకకాలంలో విడుదల చేసేందుకు చిత్రబృందం ప్లాన్ చేస్తోంది.
ఎన్టీఆర్ - కొరటాల కాంబినేషన్‌లో వచ్చిన జనతా గ్యారేజ్ ఇప్పటికే పెద్ద హిట్ కావడంతో ఈ సినిమాపై రోజురోజుకు అంచనాలు పెరిగిపోతున్నాయి.
