నాగశౌర్య హీరోగా ఇటీవలే విడుదలైన నర్తనశాల చిత్రం యువ హీరోను బాగా నిరాశకు గురి చేసింది. నర్తనశాల ఫస్ట్ లుక్, టీజర్‌కి వున్న క్రేజ్ చిత్రానికి లేకపోవడంతో చిత్ర యూనిట్ డీలా పడిపోయారు. ఇదిలావుంటే నర్తనశాల చిత్రం ప్రపంచవ్యాప్తంగా నాలుగు రోజులకు చేసిన వసూళ్లను చూసి నాగశౌర్య షాక్ తిన్నారట. దీనికి కారణం నర్తనశాల నాలుగు రోజులకు కేవలం రూ.1.4 కోట్లను మాత్రమే వసూలు చేయడం.
మొదటివారమే ఇలాంటి వసూళ్లు వస్తే ఇక మిగిలిన రోజుల పరిస్థితి ఏమిటని దిక్కుతోచని స్థితిలో పడిపోయారట. ఇదిలావుంటే ఇటీవలే విడుదలైన విజయ్ దేవరకొండ గీత గోవిందం 100 కోట్లు దాటేసి ఇంకా వసూళ్ల వేటలో ఉరుకుతుండటం చూస్తుంటే నర్తనశాలకు ఎక్కడో దెబ్బ కొట్టినట్లుంది. పైగా కొంతమంది ఆడియెన్స్ నిర్మొహమాటంగా ట్విట్టర్లో కామెంట్లు పెట్టేస్తున్నారు.
