ప్రముఖ దర్శకుడు ఎస్ఎస్ రాజమౌళి, యంగ్ టైగర్ జూనియర్ ఎన్టీఆర్ కాంబినేషన్‌లో మరో సినిమా రానుంది. ప్రస్తుతం వీరిద్దరి కాంబినేషన్‌లో "ఆర్ఆర్ఆర్" చిత్రం తెరకెక్కుతోంది. ఇందులో మరో హీరోగా రామ్ చరణ్ కూడా నటిస్తున్నారు. ఈ క్రమంలో రాజమౌళి - ఎన్టీఆర్ కాంబోలో మరో చిత్రం రానుందనే టాక్ వినిపిస్తోంది.
గతంలో వీరిద్దరి కాంబోలో 'స్టూడెంట్ నెం:1', 'సింహాద్రి', 'యమదొంగ' వంటి చిత్రాలు వచ్చాయి. ప్రస్తుతానికి, ఎన్టీఆర్ "ఆర్ఆర్ఆర్" సినిమాను పూర్తి చేసిన తరువాత... త్రివిక్రమ్‌తో ఎన్టీఆర్ జతకట్టనున్న సంగతి తెలిసిందే.
