ఇంకా ఎన్నారై ఫిర్యాదులో.. "ఓ యాప్ ద్వారా తనకు పరిచయం అయిన రవీందర్ తనకు బాగా క్లోజ్ అయ్యాడని ఫిర్యాదులో సదరు వ్యక్తి పేర్కొన్నాడు. ఆ తర్వాత గతేడాది మేలో రూ.20 లక్షలు అప్పు అడిగాడు. ఓ సినిమా నటుడికి 'అడ్వాన్స్‌' ఇస్తానని చెప్పి ఈ డబ్బు అడిగాడు. నా వద్ద రూ.15 లక్షలు మాత్రమే ఉన్నాయని చెప్పి రవీందర్ బ్యాంకు ఖాతాకు 2 దఫాలుగా డబ్బులు పంపించాను.
రవీందర్ చెప్పినట్టు ఈ డబ్బు తిరిగి ఇవ్వలేదు. కొన్నిసార్లు అసభ్యకరంగా మాట్లాడేవాడు. అప్పుడు అతను కాల్స్ తీసుకోకుండా సెల్‌ఫోన్‌లో నా నెంబర్‌ను బ్లాక్ చేశాడు. రవీందర్ నా దగ్గర డబ్బులు తీసుకున్నట్లు ఆధారాలు ఉన్నందున ఈ విషయంపై సరైన విచారణ జరిపి చర్యలు తీసుకోవాలని కోరుతున్నాను. " అని పేర్కొన్నాడు. దీంతో నిర్మాత రవీందర్ వెంటనే ఈ డబ్బు ఇస్తానని చెప్పడంతో ఫిర్యాదును వెనక్కి తీసుకునేలా చర్చలు జరిపినట్లు సమాచారం. కానీ రవీందర్ ఇప్పటి వరకు విజయ్‌కు రావాల్సిన డబ్బు చెల్లించలేదని అంటున్నారు.
