అక్కినేని నాగచైతన్య, సమంతలకు వివాహమై సరిగ్గా నెల రోజులవుతోంది. స్నేహితుడిగా, శ్రేయోభిలాషిగా ముందు నుంచి నాగచైతన్య సమంతతో బాగా కలివిడిగా ఉండేవారు. మనం సినిమాతో ఇద్దరి మధ్య ప్రేమ చిగురించి అది కాస్త పెళ్ళి వరకు దారితీసింది. రెండు కుటుంబాలు ఒప్పుకోవడంతో అట్టహాసంగా నెలరోజుల క్రితమే వీరి వివాహమైంది. ముందు నుంచి సమంతకు నాగచైతన్య వంట చేసి మరీ పెట్టేవాడు. తనకు వంట చేసే ఫోటోలను సమంత గతంలో కూడా పోస్ట్ చేసింది.
అయితే వివాహమైన తరువాత అదంతా జరగదని స్నేహితులు చెప్పడం ప్రారంభించడంతో సమంతకు అనుమానం వచ్చింది. పెళ్ళికి ముందు నాగచైతన్య.. పెళ్ళి తరువాత నాగచైతన్యలో ఏదైనా మార్పు వచ్చిందా అని తెలుసుకునే ప్రయత్నం చేసిందట సమంత. నిన్న తనకు నచ్చిన డిష్ చేసిపెట్టమని చైతన్యను కోరిందట. దీంతో చైతన్య ఏం మాట్లాడకుండా వెంటనే వంటగదికి వెళ్ళి సమంతకు ఇష్టమైన డిష్‌ను చేసి పెట్టాడట.
