ప్రిన్స్ మహేష్ బాబు నటిస్తున్న సర్కారు వారి పాట కోసం పవర్ స్టార్ పవన్ కళ్యాణ్ మాజీ భార్య రేణు దేశాయ్ కీలక పాత్ర పోషిస్తారని గతంలో ఊహాగానాలు వచ్చిన సంగతి తెలిసిందే. ఐతే ఈ చిత్రంలో రేణు దేశాయ్ పాత్ర ధృవీకరించబడిందని, మహేష్ బాబుకి వొదిన పాత్రలో రేణు నటిస్తుందని టాలీవుడ్ సినీజనం టాక్.
మైత్రి మూవీ మేకర్స్, జిఎంబి ఎంటర్టైన్మెంట్, 14 రీల్స్ ప్లస్ సంయుక్తంగా నిర్మిస్తున్న ఈ చిత్రానికి గీత గోవిందం ఫేమ్ పరశురామ్ దర్శకత్వం వహిస్తున్నారు. ఈ ఏడాది చివర్లో ఈ చిత్రం తెరపైకి వచ్చే అవకాశం ఉంది.
