మూవీ ఆర్టిస్ట్ అసోసియేష‌న్ ప్ర‌స్తుత అధ్య‌క్షుడు సీనియ‌ర్ న‌రేశ్‌కు ఈ ఏడాదిలో జ‌రిగ‌బోయే ఎన్నిక‌ల్లో పోటీకి దిగిన మంచు విష్ణు సన్మానం చేశారు. తిరిగి నరేశ్ కూడా మంచు విష్ణ‌ను స‌న్మానించారు. ఇది ఇండ‌స్ట్రీలో హాట్‌టాపిక్‌గా మారింది. ఒక‌వైపు `మా` ఎన్నిక‌లు జ‌ర‌గ‌బోతుండ‌గా వీరి క‌ల‌యిక యాదృచ్చ‌క‌మైనా ఏదో జ‌ర‌గ‌బోతోంద‌ని సూచ‌న‌లు తెలియ‌జేస్తున్నాయి. త్వ‌ర‌లో జ‌ర‌గ‌బోయే `మా` ఎన్నిక‌ల కోసం ఇటీవ‌లే ప్ర‌కాష్ రాజ్ త‌న పేన‌ల్‌ను ప్ర‌క‌టించాడు. అందులో అంత‌కుముందు అత‌నికి వ్య‌తిరేకంగా పోటీకి దిగిన హేమ, జీవిత రాజ‌శేఖ‌ర్‌, జ‌య‌సుధ‌ల‌ను త‌మ‌వైపుకు ప్ర‌కాష్‌రాజ్ తిప్పుకున్నాడు. ఈ ప్ర‌కియ త‌ర్వాత ప్ర‌కాష్ రాజ్ పేన‌ల్‌కు చెందిన బండ్గ‌గ‌ణేష్ జీవిత పేన‌ల్‌లో వుండ‌డంపై వ్య‌తిరేకించాడు. ఇలాంటి త‌రుణంలో నరేశ్, మంచు విష్ణులు ఒక‌రినొక‌రు స‌న్మానించే కార్య‌క్ర‌మం ఆదివారంనాడు జ‌ర‌గ‌డంతో మా స‌భ్యుల్లో చ‌ర్చ‌కు తావిచ్చింది.
