Pokiri: టాలీవుడ్ ప్రిన్స్ మహేష్ బాబు హీరోగా పూరి జగన్నాథ్ దర్శకత్వంలో తెరకెక్కిన పోకిరి సినిమా గురించి ప్రత్యేకంగా చెప్పనక్కర్లేదు. కానీ మహేష్ బాబు ఈ సినిమా చేయడం ఇష్టం లేదు. మరి ఈ సినిమాను తిరస్కరించిన హీరో ఎవరు? మరి ఎందుకు రిజెక్ట్ చేశారో తెలుసుకుందాం.. మహేష్ బాబు నటించిన పోకిరి సినిమా ఇండస్ట్రీలో హిట్ అయ్యి మహేష్ కెరీర్‌ని మలుపు తిప్పింది.
అయితే ఈ సినిమా కోసం అనుకున్న వ్యక్తి మహేష్ బాబు కాదు. ఈ సినిమా కథను పూరి జగన్నాథ్ మరో హీరోకి చెప్పాడట. మరి ఆ హీరో ఎవరంటే రవితేజ.. పూరీ జగన్నాథ్, రవితేజ మధ్య మంచి బాండింగ్ ఉంది. ఈ ఉద్దేశంతోనే పోకిరి సినిమాలో రవితేజని హీరోగా ఊహించుకుని కథ రాసుకున్నాడు.
అయితే చివరికి రవితేజ సినిమా చేసే పరిస్థితి లేకపోవడంతో మహేష్‌కి కథ చెప్పడంతో కథ నచ్చిన మహేష్ అంగీకరించాడు. కానీ మహేష్ దగ్గరకు కథ రాగానే కొన్ని మార్పులు చేసి సినిమా తీశారు. రవితేజతో ఈ సినిమా ప్లాన్ చేస్తున్నప్పుడు సన్నాఫ్ సూర్య, ఉత్తమ్ సింగ్ అనే టైటిల్స్ అనుకున్నాడట దర్శకుడు.
అయితే మహేష్ బాబు టైంలో టైటిల్ మార్చారు. అంతే కాకుండా ఈ సినిమాలో ఇలియానా కంటే ముందు అయేషా టకియా, కంగనా రనౌత్ లను హీరోయిన్స్‌గా అనుకున్నారు కానీ డేట్స్ కుదరకపోవడంతో చివర్లో ఇలియానానే ఫిక్స్ చేసారు. ఈ సినిమా బాక్సాఫీస్ వద్ద రికార్డ్ క్రియేట్ చేసింది.
