దగ్గుబాటి వంశోద్ధారకుడు విక్టరీ వెంకటేశ్ ట్యూషన్‌కి వెళ్తున్నాడు. పట్టభద్రుడైన ఆయన ట్యూషన్ కెళ్లటం ఏంటీ అనుకుంటున్నారా? అవును వెంకటేష్ ట్యూషన్‌కి వెళుతున్నారు. అయితే ఇది చదువుకు సంబంధించిన ట్యూషన్ కాదండోయ్. బాక్సింగ్ లెసన్స్ నేర్పించే ట్యూషన్. అసలు కారణమేంటంటే... తమిళ - హిందీ భాషల్లో బాక్సాఫీసు బద్దలు కొట్టిన చిత్రం ''సాలా ఖడూస్'' రీమేక్‌లో వెంకీ నటించబోతున్నాడు.
ఈ చిత్రం పూర్తిగా ఓ బాక్సింగ్ కోచ్ చుట్టూ తిరుగుతుంది. ఈ సినిమాలో వెంకీ సరసన రితికా సింగ్ హీరోయిన్‌గా నటిస్తుంది. ఈ సినిమా కోసమని విక్టరీ బాక్సింగ్ నేర్చుకునే పనిలో నిమగ్నమైయున్నాడు. ఓ పక్క వర్కౌట్లు చేస్తూనే.. ఇంకో పక్క బాక్సింగ్‌లో శిక్షణ తీసుకుంటున్నాడు. ఓ బాక్సింగ్ ట్రైనర్ దగ్గర మెలకువలు నేర్చుకుంటున్నాడు. సుధా కొంగరానే ఈ చిత్రానికి దర్శకత్వం వహిస్తున్నారు.
