పవర్ స్టార్ పవన్ కళ్యాణ్ డైరెక్టర్‌తో యంగ్ రెబల్ స్టార్ ప్రభాస్ సినిమా చేయనున్నాడు అంటూ ఓ వార్త టాలీవుడ్లో బలంగా వినిపిస్తోంది. ఇంతకీ విషయం ఏంటంటే... పవర్ స్టార్ పవన్ కళ్యాణ్ రీఎంట్రీ మూవీ వకీల్ సాబ్. ఈ చిత్రానికి వేణు శ్రీరామ్ దర్శకత్వం వహిస్తున్నారు. శ్రీ వెంకటేశ్వర క్రియేషన్స్ బ్యానర్ పైన దిల్ రాజు నిర్మిస్తున్నారు. ఈ సినిమా మే 15న ప్రేక్షకుల ముందుకు రావాలి కానీ... కరోనా వలన షూటింగ్స్‌కి బ్రేక్ పడడంతో వకీల్ సాబ్ రిలీజ్ వాయిదా పడింది.
అయితే... ఈ సినిమా డైరెక్టర్ వేణు శ్రీరామ్ ఇటీవల దిల్ రాజుకు ఓ స్టోరీ వినిపించాడట. ఈ కథ దిల్ రాజుకు బాగా నచ్చిందట. ప్రభాస్‌కి అయితే.. ఈ స్టోరీ బాగుంటుందని వేణు శ్రీరామ్‌ని ప్రభాస్ దగ్గరకి పంపించి కథ చెప్పించారని తెలిసింది. కథ విని ప్రభాస్ కూడా ఓకే చెప్పారని టాక్. ప్రస్తుతం వకీల్ సాబ్ షూటింగ్ లేకపోవడం వలన వేణు శ్రీరామ్ ఈ స్టోరీపై వర్క్ చేస్తున్నాడు అంటూ వార్తలు వస్తున్నాయి.
