ప్రముఖ దర్శకుడు త్రివిక్రమ్ శ్రీనివాస్ అభిమానులందరికీ ఇదో వేడుక సమయం. ఎ.బి.సి.డిజిటల్ మీడియా తెలుగు ఫిల్మ్ ఇండస్ట్రీలోనే తొలిసారి ఓ గొప్ప ప్రయత్నానికి శ్రీకారం చుట్టింది. త్రివిక్రమ్ శ్రీనివాస్ పేరుతో ఓ ఆండ్రాయిడ్ యాప్‌ను, వెబ్‌సైట్‌ను (www.trivikramcelluloid.in) ఈ సంస్థ ప్రారంభిస్తోంది.
కోట్లాది తెలుగు ప్రేక్షకుల అభిమాన దర్శకుడు త్రివిక్రమ్ పుట్టినరోజు (నవంబర్ 7)న ఈ కానుకను అందించబోతోంది. ఇక మీదట ఆయన అభిమానులంతా ఒకే ఒక్క క్లిక్‌తో త్రివిక్రమ్ సినిమాలకు సంబంధించిన అన్ని రకాల తాజా విశేషాలను తెలుసుకోవచ్చు. గూగుల్ ప్లే స్టోర్ నుంచి ఈ ఆండ్రాయిడ్ అప్లికేషన్‌ను నవంబర్ 7 నుంచి ఎవరైనా డౌన్‌లోడ్ చేసుకోవచ్చు.
