సినీ నటుడు హిందూపురం ఎమ్మెల్యే బాలకృష్ణకు ఉన్న అభిమాన గణం.. ఆయనకు ఉన్న క్రేజు గురించి కొత్తగా చెప్పాల్సిన పనిలేదు. సినిమాలు - రాజకీయాలు రెండు పడవలపై ఆయన ప్రయాణిస్తున్నా జోరు మాత్రం తగ్గలేదు. హిందూపురం నియోజకవర్గంలో దూసుకుపోతున్న బాలయ్య అనంతపురంలో సందడి చేశారు. అభిమానులతో తన ఆనందాన్ని పంచుకున్నారు. యన్బికే హెల్పింగ్ హెండ్స్ అధినేత జగన్ ఇంటికి వెళ్లి వారితో సరదాగా కాసేపు గడిపారు. ఈ సందర్భంగా బాలయ్యకు పూర్ణకుంభంతో స్వాగతం పలికారు.
అనంతరం కెరికెర బసవనపల్లిలోని ఉన్నత పాఠశాల ఆవరణలో రూ.39 లక్షలతో నిర్మించిన నూతన భవనాలను బాలకృష్ణ ప్రారంభించారు. అంతకుముందు బాలయ్య ఆటోనగర్ నుంచి బైక్ ర్యాలీతో పాఠశాల వద్దకు చేరుకున్నారు. ఈ సందర్భంగా బాలయ్య స్వయంగా బుల్లెట్ నడుపుతూ వెళ్లారు. బాలయ్య బుల్లెట్ ఎక్కడంతో అక్కడి టీడీపీ కార్యకర్తలు, నందమూరి అభిమానులు కేరింతలు కొట్టారు.