అవన్నీ గాలి వార్తలే... రజినీకాంత్ 'పేట్ట'తో నాకు సంబంధం లేదు... కళ్యాణ్

'పేట్ట' చిత్రం రైట్స్ పైన వస్తున్న వార్తల్లో ఎంతమాత్రం నిజం లేదు అని నిర్మాత సి.కళ్యాణ్ వెల్లడించారు. 

"సూపర్ స్టార్ రజినీకాంత్ గారి 'పేట్ట' చిత్రం తెలుగు హక్కులు నేను తీసుకున్నట్టు, రిలీజ్ డేట్ మార్చమని అడిగినట్లు మీడియాలో వార్తలు వస్తున్నాయి. ఆ చిత్రం రైట్స్‌కి నాకు ఎంతమాత్రం సంబంధం లేదనే విషయాన్ని క్లారిఫై చేస్తున్నాను. 

ఈ వార్తల్లో నిజం లేదనే విషయాన్ని సన్ పిక్చర్స్ వారికి కూడా తెలియచేశాను. సూపర్‌స్టార్ రజినీకాంత్ గారంటే నాకెంతో గౌరవం. ఆయనతో చిత్రాలు చేయాలని అందరికీ ఉంటుంది. అయితే ఈ చిత్రం రైట్స్ గురించి నేను ఎలాంటి చర్చలూ జరపలేదు." అని ప్రముఖ నిర్మాత సి.కళ్యాణ్ స్పష్టం చేస్తూ 'పేట్ట' చిత్రం రైట్స్ విషయంలో వస్తున్న వార్తల్ని ఖండించారు.