మెగాస్టార్ చిరంజీవి. ఈ పేరుకు ప్రత్యేకంగా పరిచయం అక్కర్లేదు. టాలీవుడ్ మెగాస్టార్. ఓ సామాన్య కానిస్టేబుల్ కుటుంబంలో జన్మించి నిరంతర కృషితో అత్యున్నత స్థానానికి చేరుకున్న హీరో. నేటి యువతరం హీరోల్లో చాలా మందికి చిరంజీవి స్ఫూర్తి. ఆదర్శం. అంతటి గొప్ప వ్యక్తి కూడా ఓ అమ్మకు బిడ్డే. ఆ అమ్మ పేరు అంజనీదేవి. ఆమె అంటే చిరంజీవికి పంచప్రాణాలు. ఆ అమ్మ కూడా తన బిడ్డను విడిచి ఒక క్షణం కూడా ఉండలేదు.
ఈనెల 22వ తేదీన చిరంజీవి పుట్టినరోజు వేడుకలు జరుగనున్నాయి. ఈ సందర్భంగా తన తల్లితో కలిసి చిరంజీవి మాట్లాడుతూ, మేం ఉంటున్న ఇంటిని కొంచెం రెన్నోవేషన్ చేయిస్తున్నందున... దీంతో అమ్మ ఒంటరిగా వేరే ఇంట్లో ఉంటోందని చెప్పారు. వారం, పది రోజుల కిందే అమ్మ తన వద్దకు వచ్చిందని ఆయన తెలిపారు.
ఈ మధ్య అమ్మ తనతో మాట్లాడుతూ, 'ఒంటరిగా ఉండాలంటే దిగులుగా ఉంటోందిరా. నీ దగ్గరకు వచ్చేస్తా' అని చెప్పగానే తనకు ఎంతో ఆనందం కలిగిందని చెప్పారు. ఒంటరిగా ఉండాలని అమ్మ కోరుకున్నప్పుడు... ఆమె నిర్ణయాన్ని గౌరవించామని... ఇప్పుడు తానే 'వచ్చేస్తాను రా' అని చెబితే అంతకంటే ఆనందం ఏముంటుందని అన్నారు. ఇంతకంటే బెస్ట్ బర్త్ డే గిఫ్ట్ తనకు ఏముంటుందని చెప్పారు.
