వివాదాల పుట్ట, దర్శకుడు రామ్ గోపాల్ వర్మ తాజాగా జీఎస్టీ అలియాస్‌ గాడ్ సెక్స్ ట్రూత్.. పోర్న్‌స్టార్‌ మియా మల్కోవాతో తెరకెక్కించిన వీడియో ప్రస్తుతం అనేక వివాదాలను కొనితెచ్చింది. ఇందులో మియాను పూర్తి నగ్నంగా, పవిత్రంగా చూపించానని, ఈ నెల 26న గణతంత్ర దినోత్సవం సందర్భంగా ఈ వీడియోను ఆన్‌లైన్‌లో విడుదల చేస్తానని వర్మ ప్రకటించారు. వర్మ జీఎస్టీపై మహిళా సంఘాలు తీవ్రంగా మండితున్న సంగతి తెలిసిందే.
అయితే వర్మ చెప్పినట్లుగానే రిపబ్లిక్ డేను పురస్కరించుకుని శుక్రవారం ఉదయం సరిగ్గా 9 గంటలకు రామ్ గోపాల్ వర్మ నిర్మించిన జీఎస్టీ (గాడ్ సెక్స్ అండ్ ట్రూత్) చిత్రం నెట్టింట్లో విడుదల చేశాడు. అంతకు నిమిషాల ముందు నుంచే ప్రపంచవ్యాప్తంగా సెర్చింజన్ ట్రెండ్స్ మారిపోయాయి. ఈ సినిమా ఎక్కడ ఉందంటూ, లక్షలాది మంది నెట్లో ఎక్కడుందోనని వెతకటం మొదలెట్టారు.
ఇదే విషయాన్ని ఫేస్‌బుక్ ద్వారా రామ్ గోపాల్ వర్మ వెల్లడించాడు. గత నాలుగు గంటల్లో వరల్డ్ వైడ్ ట్రెండ్ ఇలా ఉందంటూ ఓ గ్రాఫ్‌ను చూపిస్తూ పోస్టు చేశారు. ఈ గ్రాఫ్ 'జీఎస్టీ' కోసం వెతుకుతున్న వారి సంఖ్యను సూచిస్తోంది. పది గంటల సమయంలో దాదాపు 2 లక్షల మంది నెటిజన్లు ఈ సినిమా వీడియో కోసం వెతికారట. ఇక నెట్లో ఈ చిత్రాన్ని చూడాలంటే నిర్మాణ సంస్థ 'స్ట్రయిక్ ఫోర్స్' రూ. 150ని వసూలు చేస్తుందని వర్మ గురువారం ప్రకటించిన సంగతి తెలిసిందే.
