''వాల్మీకి'' సినిమాకు దర్శకత్వం వహిస్తున్న హరీష్ శంకర్ గురించి ప్రస్తుతం టాలీవుడ్ జనాలు మాట్లాడుకుంటున్నారు. వరుణ్ తేజ్, పూజా హెగ్డే జంటగా నటించిన వాల్మీకి సినిమాకు పాజిటివ్ టాక్ వచ్చేసింది. ఈ సినిమాకు పేరు కూడా మారిపోయింది. వాల్మీకి కాస్త గద్దలకొండ గణేష్‌గా మారిపోయింది.
'గబ్బర్ సింగ్' మూవీ షూటింగ్ స్విట్జర్లాండ్‌లో జరిగినప్పుడు 'పిల్లా నువ్వులేని జీవితం' అనే సాంగ్ ను షూట్ చేస్తున్న సమయంలో పవన్‌కు విపరీతంగా వెన్నునొప్పి వచ్చింది. దీంతో షూటింగ్ ఆపేసి హైదరాబాదుకు వెళ్తానని చెప్పాడు. వెన్నునొప్పి తగ్గాక మళ్లీ షూట్ చేద్దామని పవన్ చెప్పారు. కానీ ఆ పాటకు స్విజ్ వాతావరణం బాగుంటుందని తాను పవన్‌కు నచ్చజెప్పడమే కాకుండా ఒత్తిడి చేయడంతో పాటు.. ఆయనతో తనకున్న చనువు కారణంగా పవన్‌ను ఒప్పించేందుకు ఆయన కాళ్లు పట్టుకున్నానని చెప్పుకొచ్చాడు హరీష్ శంకర్.
