నంద‌మూరి తార‌క‌రామారావు జీవిత కథ ఆధారంగా ఎన్టీఆర్ టైటిల్‌తో సినిమా రూపొందుతోన్న విష‌యం తెలిసిందే. ఈ చిత్రంలో ఎన్టీఆర్ పాత్ర‌ను నంద‌మూరి న‌ట సింహం బాల‌కృష్ణ పోషిస్తున్నారు. ఈ ప్రతిష్టాత్మక చిత్రానికి తేజ దర్శకత్వం వ‌హించ‌నున్నారు. సినిమా ప్రారంభోత్స‌వం సినీ, రాజ‌కీయ ప్ర‌ముఖుల స‌మ‌క్షంలో ఘ‌నంగా జ‌రిగింది.
అయితే, ఇంతలో ఏమైందో ఏమోగానీ, తేజ ఈ సినిమా నుంచి త‌ప్పుకుంటున్న‌ట్టు ప్రకటించి ప్రతి ఒక్కరినీ షాక్‌కు గురిచేశారు. ఇంత‌కీ తేజ మీడియాతో ఏం చెప్పారంటే... తాను ఎన్టీఆర్‌కి వీరాభిమానినని, ఈ సినిమాకి న్యాయం చేయలేకపోతానని తనకు అనిపిస్తోందని ఆయన కీలక వ్యాఖ్యలు చేయడం చర్చనీయాంశంగా మారింది.
