'టికెట్ కొట్టు – ఐఫోన్ పట్టు,’ మనీ రైన్‌ కాన్సెప్ట్స్‌తో ప్రేక్షకుల్లోకి చొచ్చుకుని పోయింది. అభిమానులు, ప్రేక్షకుల నుంచి స్పందన అద్భుతంగా ఉంది. దీంతో సినిమాకు మరింత హైప్‌ పెరిగింది. ఎక్కడ చూసిన వర్జిన్‌ బాయ్స్‌ గురించి చర్చ నడుస్తోంది. ఇది మా టీమ్‌ అందరిలో నూతన ఉత్సాహాన్ని పెంచింది’’ అని నిర్మాత రాజా దారపునేని అన్నారు. దయానంద్‌ రచనా దర్శకత్వంలో రాజ్‌ గురు బ్యానర్‌ పై రాజా దారపునేని నిర్మించిన చిత్రం వర్జిన్‌ బాయ్స్‌. బిగ్‌బాస్‌ ఫేం మిత్ర శర్మ, గీతానంద్‌ జంటగా నటిస్తుండగా శ్రీహాన్‌, కౌశల్‌, రోనీత్‌, జెనీఫర్‌, అన్షుల, సుజిత్‌ కుమార్‌, బబ్లూ, అభిలాష్‌ కీలక పాత్రలు పోషించారు. ఈ నెల 11న గ్రాండ్‌గా సినిమాను ప్రేక్షకుల ముందుకు తీసుకొస్తున్నారు.
