ఈ ట్రైలర్ కోసం ప్రత్యేకంగా రెండు బస్సులతో టీనేజ్ ర్స్ ను తీసుకువచ్చారు. ట్రైలర్ ఆద్యంతం ద్వందార్థాలు, లిప్ కిస్ లు, ఆడ మగ తేడాలేకుండా మందు, సిగరెట్ తాగడం వంటి సన్నివేశాలే కనిపిస్తాయి. వాటిని రిపీట్ అంటూ మరోసారి వచ్చిన టీనేజర్ల కోరిక మేరకు ప్రదర్శించారు. ఈ సందర్భంగా యాంకర్ కూడా శ్రుతి తప్పి ఎలావుంది ట్రైలర్. అనగానే అందరూ సైలెంట్ అయ్యారు. అంటే ఇది చూశాక చల్లబడిపోయారా? అంటూ వెకిలినవ్వులు నవ్వింది. ఆ వెంటనే. నేను ఫ్లోలో బూతులు మాట్లాడతాను. తప్పయితే క్షమించడంటూ మాట్లాడడం కొసమెరుపు.
ఇంటర్ చదివే టీనేజర్లను ఇలాంటి సినిమా వేడుకకు తీసుకువచ్చి వారిచేత క్లాప్స్ కొట్టించడం మరీ విడ్డూరంగా వుంది. ఇందులో ముగ్గురు యువకులు..బికీనీ డ్రెస్ లో వున్న అమ్మాయిలను చూసి సూర్య కిరణం భూమిమీద పడేలోపు మా వర్జినిటీ పోగొట్టుకుంటామంటూ శపథం చేస్తారు.. సినిమాలోని పాయింట్ కూడా ఇదే. దానిపైనే కథను దర్శకుడు చూపించాడు. మరి బూతులు చెప్పి, చివరిలో సందేశం అనడం ఎంతవరకు కరెక్ట్ అంటూ సెన్సార్ బోర్డును అక్కడివారు ప్రశ్నిస్తున్నారు.
