లిక్కర్ డాన్ విజయ్ మాల్యా జీవిత చరిత్ర ఆధారంగా ఓ బాలీవుడ్ చిత్రం తెరకెక్కుతోంది. ఈచిత్రంలో బాలీవుడ్ సీనియర్ హీరో గోవింద హీరోగా నటిస్తున్నారు. ఈ విషయాన్ని సెన్సార్‌ బోర్డు మాజీ చీఫ్‌, దర్శకుడు పహ్లజ్‌ నిహ్లానీ వెల్లడించారు.
గోవింద ప్రధాన పాత్రలో రూపొంద‌నున్న ఈ బ‌యోపిక్‌లో బ్యాంక్ స్కాం స‌న్నివేశాల‌ని వినోదాత్మ‌కంగా తెర‌కెక్కించనున్నట్టు చెప్పారు. చిత్రంలో గోవిందా గెట‌ప్ చాలా డిఫ‌రెంట్‌గా ఉంటుంద‌ని, గ‌తంలోక‌న్నా ఆయ‌న ఇప్పుడే ఫిట్‌గా ఉన్నారన్నారు. అయితే, ఈ చిత్రానికి సంబంధించిన పూర్తి వివరాలను అధికారికంగా ప్రకటించాల్సి వుంది.
