లిప్ లాక్ కిస్సులకి, గ్లామర్ షోకి వ్యతిరేకం అని చెప్పే సాయిపల్లవికి సహజనటి అనే పేరుంది. ఎలాంటి సన్నివేశాల్లోనైనా సాయిపల్లవి సులభంగా నటించేస్తుందని ఫిలిమ్ నగర్ వర్గాల్లో టాక్ వుంది. అలాగే సాయిపల్లవికి ఏడుపు సన్నివేశాల్లో నటించడం చాలా ఇష్టమట. ఎమోషనల్ పాత్రల్లో నటించాడన్ని ఎంజాయ్ చేస్తా అంటుంది. అయితే సాయి పల్లవి అలాంటి ఏడుపు సన్నివేశాల్లో నటించడం ఆమె తల్లితండ్రులకి అస్సలు ఇష్టం లేదట.
తాను అలా ఏడుపు సన్నివేశాల్లో నటించేటప్పుడు తన తల్లితండ్రుల ఫీలింగ్ వేరేలా ఉంటుంది అంటుంది. ప్రస్తుతం తెలుగులో లవ్ స్టోరీ, విరాట పర్వం సినిమాలు చేస్తున్న సాయి పల్లవి తమిళనాట వెట్రిమారన్ దర్శకత్వంలో పావ కదైగల్ వెబ్ సిరీస్‌లో నటించింది. పరువు హత్యల నేపథ్యంలో తెరకెక్కిన ఈ పావ కదైగల్ వెబ్ సీరీస్ నెట్ ఫ్లిక్స్‌లో విడుదలైంది.
