అక్కినేని ఫ్యామిలీ నుంచి మూడవ తరంలో హీరోగా ఎంట్రీ ఇచ్చిన యువ హీరో సుశాంత్. తొలి చిత్రం కాళిదాసు సినిమాతో ప్రేక్షకుల ముందుకు వచ్చిన సుశాంత్.. ఆశించిన స్థాయిలో ఆకట్టుకోలేకపోయాడు. ఆ తర్వాత కరెంట్, అడ్డా, ఆటాడుకుందాం రా.. ఇలా సక్సస్ కోసం ప్రయత్నించినప్పటికీ సరైన ఫలింతం రాలేదు. ఆఖరికి రోటీన్ చిత్రాలకు భిన్నంగా చిలసౌ అనే సినిమా చేసి సక్సస్ సాధించాడు.
అయితే... లవ్‌లో పడడం.. ఫెయిల్ అవ్వడంతో బాగా డీలాపడ్డాడట. లవ్ ఫెయిల్యూర్ నుంచి బయటపడటానికి నెల రోజులు పట్టిందని చెప్పాడు. లైఫ్‌లో ఇలా జరుగుతుంటాయి. వాటిని ఎదుర్కొని ముందుకు వెళ్లిపోవాలి అంతే అంటూ వేదాంతం మాట్లాడుతున్నాడు ఈ అక్కినేని చిన్నోడు. జీవిత సత్యం బాగానే తెలుసుకున్నాడు.. ఇక సినిమా జీవితం గురించి కూడా బాగా అర్థం చేసుకుని కెరీర్లో మరిన్ని విజయాలు సాధిస్తాడని ఆశిద్దాం.
