పాపులర్ కామెడీ షో జబర్దస్త్ నుంచి హైపర్ ఆది వెళ్లిపోతున్నాడన్న ప్రచారాన్ని అదిరే అభి ఖండించారు. తనకు తమ్ముడి లాంటివాడైన ఆది.. జబర్దస్త్‌ను వీడట్లేదని క్లారిటీ ఇచ్చేశాడు. ఆది జబర్దస్త్‌లోనే ఉన్నాడని.. ఇకముందు కూడా కొనసాగబోతున్నాడన్నాడు. అంతేగాకుండా యాంకర్ అనసూయ కూడా జబర్దస్త్‌ను వీడుతున్నట్లు జోరుగా జరుగుతున్న ప్రచారానికి అభి ఫుల్ స్టాప్ పెట్టాడు.
ఇక నాగబాబు షో నుంచి వెళ్లిపోవడంపై తాను స్పందించలేనని.. ఆయనపై కామెంట్ చేసేంత స్థాయి తనకు లేదని చెప్పుకొచ్చారు. ఏదేమైనా జబర్దస్త్ తమకు తిండి పెట్టి.. ఒక గుర్తింపునిచ్చిందని గుర్తుచేశారు. జబర్దస్త్ నటుల్లో వివాదాలు తలెత్తాయన్న ప్రచారాన్ని అభి తప్పు పట్టారు. అలాంటిదేమీ లేదని ఎక్కడున్నా ఏం చేసినా.. తామంతా కలిసే ఉంటామని స్పష్టం చేశారు.
