కోరిక తీర్చితేనే కొత్త హీరోయిన్‌కు ఛాన్సులు... తెలుగు సినీ ఇండస్ట్రీపై శ్రుతి సంచలనం

టాలీవుడ్ ఇండస్ట్రీపై ఇటీవలి కాలంలో కొందరు హీరోయిన్లు చేస్తున్న ఆరోపణలు సంచలనంగా మారుతున్నాయి. తాజాగా కన్నడ నటి శ్రుతి హరిహరన్ తెలుగు సినిమా ఇండస్ట్రీపై చేసిన ఆరోపణలు తీవ్రంగా వున్నాయి. తెలుగు ఇండస్ట్రీలో హీరోయిన్ గా నిలదొక్కుకోవాలంటే, ఛాన్స్ ఇచ్చేవారి కోర్కె తీర్చాల్సిందేననీ, లేదంటే అక్కడ నిలదొక్కుకోవడం కష్టమని సంచలనాత్మక ఆరోపణలు చేసింది. కాంప్రమైజ్ కాకపోతే టాలీవుడ్ ఇండస్ట్రీలో నిలదొక్కుకోవడం చాలా కష్టమని ఆమె వ్యాఖ్యానించింది. 

గతంలో రాధికా ఆప్టే కూడా ఓ హీరో డైరెక్టుగా తన కోర్కె తీర్చాలని తనను అడిగినట్లు ఆరోపించింది. ఐతే ఇక్కడ టాప్ హీరోయిన్లుగా వెలుగుతున్న హీరోయిన్లు మాత్రం తమకు చాలా బావుందంటూ చెపుతున్నారు. మరి ఏది నిజమో తెలియని స్థితి. ఇదిలావుంటే బాలీవుడ్ ఇండస్ట్రీలో తను నిజాలు చెబితే ఇండస్ట్రీలోని పెద్ద తలకాయలు దిమ్మతిరిగిపోతాయని కంగనా రనౌత్ చెప్పిన సంగతి తెలిసిందే. 

ఇటీవలే టాలీవుడ్ హీరోయిన్ మాధవీలత కూడా ఆరోపణలు చేశారు. ఇండస్ట్రీలో చాన్సు ఇస్తే పడక సుఖం ఇవ్వాలని అడిగేవారున్నారనీ, వారి పేర్లు చెబితే కాపురాలు కూలిపోతాయని వ్యాఖ్యానించింది.