కబాలి ఫీవర్‌తో ఊగిపోతున్న రజినీ అభిమానులకు కాస్త చేదుగా అనిపించే వార్తే ఇది. కబాలి షెడ్యూల్ ప్రకారం శుక్రవారం విడుదల అవ్వాలి. అయితే ఆ సినిమాను విడుదల చేయకుండా ఆపాలంటూ ఓ వ్యక్తి చెన్నై హైకోర్టులో పిటిషన్ వేశారు. ఆయన సుక్ర ఫిలిమ్స్ భాగస్వామి ఆర్.మహాప్రభు. గతంలో రజినీ చేసిన లింగా సినిమాను పంపిణీ చేశారు.
లింగా సినిమా భారీ డిజాస్టర్‌గా నిలిచిన సంగతి తెలిసిందే. ఆ సినిమా వల్ల తాను ఆర్థికంగా చాలా నష్టపోయానని, ఆ చిత్ర నిర్మాత వెంకటేశ్, రజినీకాంత్ నష్టపోయిన మొత్తం చెల్లిస్తామని హామీ ఇచ్చారని ప్రభు పిటిషన్లో పేర్కొన్నారు. అయితే ఇంకా తనకు రూ.89 లక్షలు రావాల్సి ఉందని... ఆ బాకీ తీర్చాకే కబాలి విడుదల చేసేలా ఆదేశాలివ్వాలని కోరారు.
ఈ పిటిషన్ హైకోర్టు విచారణకు స్వీకరించింది. గురువారం దీనిపై విచారణ చేయనుంది. హీరో రజినీకి, కబాలి నిర్మాత థానుకి నోటీసులు పంపింది. కబాలి విడుదల అవుతుందో లేదో నేడు తేలిపోతుంది. కాగా కబాలి చిత్రాన్ని రజినీకాంత్, తన కుమార్తెతో కలిసి అమెరికాలో ప్రివ్యూ సినిమాను వీక్షించారు. వాళ్ల రియాక్షన్ మాత్రం చెప్పలేదు.
