బ్లాక్ బస్టర్ డైరెక్టర్ కొరటాల శివతో మహేష్ బాబుకు ప్రత్యేకమైన అనుబంధం. శ్రీమంతుడు, భరత్ అనే నేను... అనే రెండు బ్లాక్‌బస్టర్స్ ఇచ్చాడు. తాజాగా కొరటాల శివ చిరంజీవితో సినిమా చేస్తున్నారు. ఈ సినిమాలో మహేష్ బాబు కీలక పాత్ర పోషిస్తున్నారు. ఇలా చేయడానికి కారణం కొరటాలతో మహేష్ బాబుకి ఉన్న అనుబంధం కూడా ఒక కారణం.
ఇదిలా ఉంటే.. మహేష్ బాబు కోసం కొరటాల ఓ ఫేవర్ చేస్తున్నాడని తెలిసింది. అది ఏంటంటే... మహేష్ బాబు తదుపరి చిత్రాన్ని పరశురామ్‌తో చేస్తున్న విషయం తెలిసిందే. ఈ సినిమా కథ విషయంలో మహేష్ కొన్ని మార్పులు చెప్పారని.. ఆ మార్పులు విషయంలో కొరటాల శివ పరశురామ్‌కి కొన్ని సలహాలు సూచనలు ఇస్తున్నారని వార్తలు వస్తున్నాయి. ప్రస్తుతం ఈ మూవీకి సంబంధించి స్క్రిప్ట్ వర్క్ చాలా ఫాస్ట్‌గా జరుగుతుంది.
మహేష్ - పరశురామ్ కాంబినేషన్లో రూపొందే ఈ సినిమాని ఎవరు నిర్మిస్తారు అనేది ఇంకా సస్పెన్స్ గానే ఉంది. ఈ సినిమాలో మహేష్ క్యారెక్టర్ చాలా డిఫరెంట్‌గా ఉంటుందని.. ఇప్పటివరకు మహేష్ ఇలాంటి పాత్ర చేయలేదని తెలిసింది. అందుకనే మహేష్ ఈ కథకు ఓకే చెప్పాడట. కొరటాల శివ ఈ సినిమా స్క్రిప్ట్‌లో తన వంతు సహకారం అందిస్తున్నాడు అని తెలిసినప్పటి నుంచి ఈ మూవీపై మరింత ఆసక్తి పెరిగింది. అయితే.. ఎప్పుడు సెట్స్ పైకి వెళుతుంది..? అనేది త్వరలోనే తెలియనుంది.
