శ్రీమంతుడు తరహాలో బంపర్ హిట్ కొట్టేందుకు కొరటాల శివ, మహేష్ బాబు సిద్ధమవుతున్నారు. ''భరత్ అనే నేను'' సినిమాతో మళ్లీ కొరటాల శివ- మహేష్ జోడీ తెరపైకి రానుంది. ఈ సినిమా షూటింగ్ ఇప్పటికే దాదాపు పూర్తయినట్లు సమాచారం. చివరి షెడ్యూల్‌ లండన్‌లో జరుగుతోంది. ఓ పాట కొన్ని సీన్స్ పూర్తయ్యాక.. సినిమా విడుదలకు సంబంధించిన తేదీని ప్రకటించాలని సినీ యూనిట్ భావిస్తోంది.
ఈ క్రమంలో ఏప్రిల్ 1 నుంచి సినీమా రిలీజ్ అయ్యే ఏప్రిల్ 20 వరకూ ప్రతి రోజూ ప్రమోషన్స్ ఉండేలా ప్లాన్ చేస్తున్నారట. 20 రోజుల పాటు ఈ సినిమా గురించే సినీ జనం మాట్లాడుకునేలా ఈ ప్రమోషన్స్ వుంటాయట. మరోవైపు ఈ సినిమా ఆడియోని ఏప్రిల్ 7న రిలీజ్ చేయ‌బోతున్నార‌ని తెలిసింది. త్వ‌ర‌లోనే ఆడియో రిలీజ్ డేట్‌, వేదిక‌పై సినీ యూనిట్ క్లారిటీ ఇవ్వనుంది.
